Adui suang ni pangalaman yo bole ngal irak kisa jaye mulo batamu ya jalama sang Bisaya tab Limbang tagulu.
Masa taun 70'an gulu pabila kuje ya sawo ku nanaw kan badudun li mok alan anak incan sawo ku masa eno garom nyewa alai jalama mok Kampong Aig, Bandar Seri Begawan. Jami mapit gulu li pasar sada mali sada reman. Pabila nikot mok alai anak incan sawo ku ino tarus tenak ku sada eno li sawo o. Sawo o eno lama banca Bisaya, andi pa pandai tuntut Sang Jati pagun. Sawo o ngara " Matong ni mali sada".
Jaye fikir makna tuntut o eno ngara sada banali jaye eno laid suda kan mutoang. Jadi jaye njawablah "O sada laid. Kan mutoang ngkali".
Anak incan sawo jaye magirak. Kain o "Ainka mutong maksud sawo ku eno. Leom adaw ekow mali sada, maksud o".
Wow jami megirak sengaye. Maalumla jaye pun andi pa pandai tuntut Bisaya. "Matong" ya "mutoang" eno pun kan samo katab o.
Kaniab jaye ya sawo ku nanaw li Limbang ngintong jalama pabali bua. Jami katamu lama pabali bua langagi. Suang denaja ero. Rago o limo RM sa kilo. Kalaw mali suang buli kurang kain lama pabali eno. Jalama pabali eno banca Bisaya ni. "Kalaw kurang, puro rago o?" jaye suba muwot.
"Duo kilo balu RM, " jawap kakimo Bisaya eno.
Sawo jaye magirak, andi pa ngarati uno "balu" eno. "Balu eno walu," kainku ngara sawo ku. Baru sawo jaye paam.
Andi eran. Cara ngitung pun andi pa samo gaya jalama Sang Jati batuntut. Suntu o kalau "tunggal" kain Sang Jati jade "saulun" mok sabitan tuntut Bisaya.
Suba jati ngarangow katab lagu Bisaya ti:
Lagu Bisaya Karaoke
No comments:
Post a Comment