1. Sabitan lambago:
Jaye eran ni pabila karangow sabitan jati aro ni kan samo ya sabitan banca "ramputi" (Inggeris). Sabitan "lambago" ti yo bamaksud kawasan tulang sariba tumbung kan samo ya sabitan ramputi eyo eno "lumbargo" .
Memang jati aro sabitan asal sengayi ngaran-ngaran tulang sacara anatomi. Misal o tulang likud (spine), tulang lemba (shoulder blade) , tulang abo (chest bone), tulang ulu (skull), tulang atis (leg bone), tulang langaon (ulna) tapi susa ni kan katamu sabitan samo "lambago" ya "lumbargo" sadangkan lama jati anjop aro suang 100 taun tagulu balajar mok sakula pasal anatomi ya fisiologi. Cara kabatulan ka sabitan eno samo? Jaye andi pa pandai jawapan o.
2. Sabitan Panadol
Salain eno aro ni ngaran uru ganalar ramputi "PANADOL". Sejenis "paracetamol" untuk menan raso dul mok inan. Uru esu nan dul - "penan dul" la ino. Ha ha kan-kan samo katab o. Cara kabatulan ni ngkali.
No comments:
Post a Comment