ARO ADAW JATI SILAP



Aro duo imej kito ku sawat ti............

Aro adaw jati pandai silap.

Jati sabagai manusia memang macam eno. Andi jati bole pandai sengaye hal senalom dunya ti..........

Jaye aro sarita pasal iti. Ti pangalaman jaye sendiri.


Senalom taun 1980an tagulu samasa pagun ti nganjur "Jambori - Hari Pengakap Sedunia" mok kawasan Gadong, Bandar Seri Begawan jayi katamu kawan miso jabatan sino. Lapas ino jayi katamu santari manyanai jayi yo batugas mambantu bagian "Medical Cover". Indo pun batutur satagol. Kawan ku yo awal ino kemaye kito indo batutur.

Sasuda eno jayi pun nanaw li lain.  Kawan ku eno jalama banca Singapura bakarijan mok pagun iti jadi pagawai pangajar mok sakula jururawat. Santari ku ino anak murip o masa ino. 

"Biasa ekow ya lama eno?" uwot o mok santari ku.

"Ao", jawap santari ku.

"Kuji pun biasa ya iso. Iyo ino lama tad KL (Kuala Lumpur)," kain kawan ku ino lagi.

"Andi, iyo ino jalama diti," simbar santari ku.

"Andi. Iyo lama KL." banta kawan ku.

"Jayi biasa ya diso. Jami samo garom mok flet Pusar Ulak," katab kawan ku nangkar santari ku.

Adui adui.....  Kawan ku andi pandai kuji basantari ya murip o ino.  Indao memang garom miso flet mok Bandar sino cuma jayi biasa bila batutur ya diso jayi ngisu pelat tuntut gaya jalama Singapura. Jadi anjop talintas mok ulu o kuji ti memang jalama pagun.  Susa ni jadi o. Gawat, kain lama Malayu!!

Santari ku pun garom gala. Iyo andi mau guru o mikum. Ngakun ala andi apa kain o.  Yo banor iyo tatap lurus. Kan indao ti basantari. Tantu iyo tatap pandai kuji ti ainka lama KL! Tapi kawan ku ino tatap andi pacaya.

 Na..... gitak maap ku mok muyun sangaye.  Kalaw aro sala, adaong ngalap gina. Kuji pun aro ni pandai silap adaw bulan!

Iti aro pantun.

Bua mangga saribow pagar
Kilaw laga sawat sampayan
Kuji lama kakal balajar
Kalaw sala tolong maapkan

SANG JATI