 |
| Sistem solar |
Cam mana gaya jati ngiro waktu kalaw jati anjop arao jam entangan?
Masa dapadaw pabila tangil ngkatab mok entalun rati o andi buai kan liom. Sambut o, laggawow palita ngkatab tandu o adaw andi buai gi kan miyang la eno. Tapi lama tatuwo jati aro lagi pandaian ero.
Samasa tagulu sabalum lage aro jam jalama jati suda pandai ngajangka waktu. Ero mamarati dampal sawat matao adaw kalaw madaw. Masa mentuwong ero ngarangow ngkuruk manok. Sengaye iti suda kanaji ero tad tagulu.
Arao suang sabitan jati yo aro kaitan o ya waktu. Antara o eyo no:
ampir iyang adaw - kiro-kiro jam 5.30 sambut
iyang rawaot-rawaot - kiro-kiro jam 5.45
ukab adaw- kiro-kiro jam 6.00 sambut
adaw samilaw - kiro-kiro jam 6.00 sambut
sambut adaw - kiro-kiro jam 6.00 -> 9.00 sambut
adaw taman nakaod - kiro-kiro jam 7.00 - > 8.30 sambut
nakaod adaw - kiro-kiro jam 8.30 - > 10.00 sambut
kan ampak adaw - kiro-kiro jam 10.00 sambut
ampak adaw - kiro-kiro jam 10.30 -> 11.30 sambut
ampir tanga adaw - kiro-kiro jam 11.30 sambut
tanga adaw - jam 12.00 madaw
ampir baring adaw - kiro-kiro jam 12.30 tanga adaw
baring adaw - kiro-kiro jam 1.00 -> 3.00 dapadaw
adaw suda endauu - kiro-kiro jam 3.00 -> 5.30 dapadaw
sadop adaw - kiro-kiro jam 6.30 dapadaw
nakaod manuk - kiro-kiro jam 6.45 dapadaw
taman liom - kiro-kiro jam 6.30 dapadaw
kuat liom - kiro-kiro jam 7.00 dapadaw
tanga entuwong - jam 12.00 entuwong
nyari-nyari - kiro-kiro jam 2.00 -> 3.00 sambut
ngkurok manuk yo mulo - kiro-kiro jam 1.00 sambut
ngkurok manuk kaduwo - kiro-kiro jam 5.00 sambut
Waktu tapat andi la kuji pa pandai banor. Suba la muyun muwot mok jalama yo tuo.
No comments:
Post a Comment