TABIAT BASANGKA-SANGKA

Ti pasal tabiat manusia. Suda salalu ni hal iti tanulis sino siti mok media sosial. Jadi kuji pun suka ni maya namaoh isu macam iti mok blog iti sapaya jalama ramai kalap pandai.

Gena sanginan-sanginan tantu andi miso. Tapi tabiat yao suka basangka-sangka ti memang suda buai suang jati makito tad jaman tagulu lagi.

Arao duwo jenis perkara yao jadi sangkaan ero. Sangkaan mancoi ya sangkaan andi mancoi.


Tapi yao paling suang eyo nao jenis yao andi barapa mancoi.




Suba jati parati hal-hal macam sariba iti:


- Jalama sigot basambayang dikatakan riak
- Jalama barihat nyanang gena dikatakan pamalas



 - Jalama ya pakaian agu disangka mangantalang 
 - Jalama bapakaian rat disangka angat masikin
 

- Jalama makan suang disangka marangka
- Jalama makan kadiok disangka angat masingot

- Jalama senyum disangka manyindir
- Jalama mancaom rupa disangka nakalagaoh

- Jalama batutur barunding disangka ngalimut
- Jalama lamaot garaom-garaom disangka andi suka baguil ya jalama

- Jalama yao suka managur disangka kan mangudat
- Jalama yao suka irak-irak disangka mangada-ngada

- Esoi yao suka muwot disangka suka sampur hal jalama lain


Padahal yao sabanaor ao...........

 * Ambao pandai yao senyum ino karana basadaka
 * Ambao pandai yao mancaom rupa ino karana nganangkan duso

 * Ambao pandai yao batutur barunding ino menak pandapat
 * Ambao pandai yao garaom-garaom ino karana ngal ibadah

 * Ambao pandai yao suka managur ino barisi jalama ao
 * Ambao pandai yao irak-irak ino taraom otoak ao

 * Ambao pandai yao suka muwot ino pamadulian jalama ao


Pasal ino la..................
Uno gala yao jati kito adaong suka basangka-sangka.

Sikap basangka-sangka mamatai gena. Parasaan jadi putut.
Paling suang basangka-sangka pun ngibit salaka bagi inan sandiri.

Adaong la talampau basangka-sangka rat. Paling mancoi adaong arao samao sakali sikap basangka-sangka ti mok gena jati. Andi mancoi jadi ao jikalau basangka yao bukan-bukan. Sabab ao jati pun ni andi pandai banaor sangaye pakara mok dunya  ti.

Ingat gala. Jikalau andi pandai andi apa.  Adaong basangka-sangka yao andi mancoi!

----------------------------------------------------